సుసంపన్నమైన సాంస్కృతిక వారసత్వం ఉన్న రాష్ట్రంలో పర్యాటక ప్రాజెక్టుల అభివృద్ధికి నిధులు విడుదల చేయాలని కేంద్ర పర్యాటక శాఖ మంత్రి గజేంద్ర షెకావత్‌ను ఏపీ పర్యాటక శాఖ మంత్రి కందుల దుర్గేష్ కోరారు.
కాకినాడ: సాంస్కృతిక వారసత్వం ఉన్న రాష్ట్రంలో పర్యాటక ప్రాజెక్టుల అభివృద్ధికి నిధులు విడుదల చేయాలని కేంద్ర పర్యాటక శాఖ మంత్రి గజేంద్ర షెకావత్‌ను ఏపీ పర్యాటక శాఖ మంత్రి కందుల దుర్గేష్ కోరారు. ఆదివారం ఢిల్లీలో కేంద్ర మంత్రిని కలిసిన ఆయన వినతిపత్రం సమర్పించారు. ఆంధ్రప్రదేశ్‌లో పర్యాటక రంగాన్ని అభివృద్ధి చేస్తే రాష్ట్ర ఆర్థిక వ్యవస్థ పెరుగుతుందని, వేలాది మందికి ఉపాధి అవకాశాలు కూడా లభిస్తాయని దుర్గేష్ అన్నారు. రాష్ట్రంలో అనేక సాంస్కృతిక, వారసత్వ ప్రదేశాలు, పురాతన దేవాలయాలు ఉన్నాయని, వాటిని అభివృద్ధి పరచాలన్నారు. రాష్ట్ర బడ్జెట్ సమావేశాల అనంతరం రాష్ట్ర పర్యాటక ప్రాజెక్టులపై సమగ్ర నివేదిక రూపొందించి కేంద్ర ప్రభుత్వానికి అందజేస్తామని చెప్పారు.